بندق

كأم ترزق لأول مره بالاطفال ... لا انفك اراقبه واسال عن معنى كل حركة وسكنه تقلقنى شقاوته وخموله ويشغلنى ماذا أكل اليوم وماذا سيأكل غدا .. احفظ مفارقاته وارويها مرارا وتكرارا مصيبة من حولى بالملل ..


شقى وفضولى ولا يتوقف عن النبش والنكش والجري من مكان لاخر وحين يزيد عن المقبول تنهرني اختي ..أضربيه و يصيح أخي .. ربيه .. لكن عينيه البريئتين وموائه الخفيض وانا اقترب منه تقولان لى في ضعف ..انا ما عملتش حاجه والنبي .. ابتسم واقول فى نفسي سأفسد أولادى بالدلال يوما



مازلت أخشى الحيوانات ومازال التحذير القديم يسيطر على راسى ... لو عضك هاطبتلى كلام وتهوهوى طول عمرك رغم ذلك الاعب رأسه واحمله بين يدي .. وحين تهده الشقاوة يأتى ليستريح فى حجري ..يتكور على نفسه وينام

12 التعليقات:

kalam 20/6/06 12:56 م  

شكله لذيذ
مع انى مش باحب الحيوانات
ولا هما بيحبونى الصراحه
اصل وانا صغير كان عندنا قطه بلدى متشرده
كل ما حد يزعلها تدور عليا وتخربشنى
فلحد النهارده ما احبش امسك اى حاجه حيه او فيها روح بايديا
بس تعرفى فعلا انك تربى حاجه وتهتمى بيها ده شىء جميل
انا باعوض الحكايه دى بالنباتات
عندى فى البيت شجره ورد جميله جدا
اسمها مى
على اسم بنوته طعمه وزى العسل بنت واحد قريبى
ربنا يخليلك سى بندق
وتفرحى باولاده
:)

نعناعة 20/6/06 6:24 م  

:)
انا طول عمري بخاف من كل حاجه حيه برده بس من غير سبب وجيه زى بتاعك ده ...
ربنا يخليلك مى و مايحرمكش من وردها

She 30/6/06 11:46 م  

حتي انتي يا نعناعه

حرام هوا كله كده بيربي قطط

غير معرف 4/7/06 1:25 م  

تحياتي للعزيز بندق

غادة الكاميليا 5/7/06 2:16 م  

يابختك
أنا ماما سربت القطه اللي كانت عندي علشان مبتحبهمش
يابختك ياسي بندق

نعناعة 6/7/06 1:47 م  

شيماء
طب وليه الحقد ده .. ربى انت كمان قطط

زبادي
بندق يرد السلام بنو نوتين و تنييئه .. أصله بعيد عنك قط تنك

كامليا
ماما كمان شكلها هتعمل معاه كده قريب .. مش عارفه ايه العداوه بين الامهات وبين القطط

مـحـمـد مـفـيـد 31/7/06 10:42 ص  

احييكي علي اهتمامك بالحيوانات

نعناعة 3/8/06 2:50 م  

أشكرك :)

غير معرف 4/8/06 4:11 م  

حققتي اللي كان نفسي فيه من ييجي 7 سنين ! أنا بموت في القطط بس الظروف مش سامحة أربيهم في البيت..
آخر قط ربيته كان الخالق الناطق بتاعك ! دلعيه عشان خاطر المحرومين اللي زيي..
وطبطبي عليه من تحت رقبته بدالي..

حـدوتـة 14/8/06 10:03 م  

ياختي عليه وعلى جماله! ده شبه كفتة القط القديم بتاعي

اتكلمي معاه يا نعناعة كتير...هتلاقيه بعد شوية بياخد ويدي معاكي في الكلام...ولو سألتيه يرد وكده...صدقيني :)

لحظة صدق 17/10/06 12:38 م  

ازيك يا بندق
امور قوى
تخيلى رغم انى مولعة بالأدب و القراءة و الكتابة
لكن صورته شدتنى
ممكن يكون بيفكرنى بالغالى بسبس
الله يرحمه بقى
لكن طول ما فى ناس بتعطف ع المخلوقات الجميلة دى اكيد يبقى بتعطف على البشر المحتاجين

وعاوزة اقولك ما تخافيش لو عضك
هو مستحيل يعض اصحابه و اهله
ممكن يعضعض بس
و تخافى لكن لو لاحظتى لما ياكل لحمة بيعضها بجد
ربنا يخليه لك

نعناعة 22/11/06 12:54 م  

بندق بيسلم على كل الى بعتولهالسلام جيرالدين وليمون ولحظة صدق وحدوته وبيرد عليهم بنونوه قصيره واتنين طوال بيعتذرعن التاخير في الرد عليهم لان ماما ما ورتوش الردود الا دلوقت وهو نايم على رجليها قدام الكمبيوتر

هاهنا ..

مساحة شخصية لا أكثر ولا أقل .. إن اعجبك ما فيها اهلا بك وإن لم يعجبك اتركها غير نادم لا تصدع راسك و رأسي رجاءاً ..